Катуу шамалдан көп кабаттуу үйдүн чатыры сынып, Бишкектин борборунун жарыгы өчтү

Бишкекте көп кабаттуу үйдүн чатыры сынып, шаардын борборунун жарыгы өчтү. Бул тууралуу "Түндүкэлектр" ачык акционердик коомунун басма сөз кызматынан кабарлашты

Аталган маалыматка таянсак, бүгүн эртең менен саат 05:40та болгон катуу шамалда жогорку чыңалуудагы “Пенько-Джутовая” көмөкчордондун күч трансформаторуна көп кабаттуу үйдүн чатыры кулаган.

Мунун кесепетинен Правда, Иваницын, Сүйүмбаев көчөлөрү, Чүй чоң көчөсү; Москва, Гоголь көчөлөрү жана Чүй проспектисиндеги турак жайлардын электр жарыгы  өчкөн.