Өкмөт сот системасынын кызматкерлери үчүн 9 кабаттуу эки үй курат

 Бишкекте сот системасынын кызматкерлери үчүн үйлөр курулат. 

Өкмөттүн 2017-жылдын 4-октябрындагы буйругуна ылайык Архитектура мамлекеттик агенттигинин жарандык турак жай курулуш департаментине 171 батирлүү, 9 кабаттуу үй курууга жалгыз заказчик болуу тапшырмасы берилди.

 Аталган турак-жай Юдахина, 64 дарегинде жайгашмакчы.

 Курулуш аяктагандан соң колдонууга берилген объектилер Жогорку соттун Сот департаментинин менчигине өтөт.

Каржы министрлиги 2017-жылдын республикалык бюджетинен аталган курулушту курууга 40 миллион сом бөлөт.