Бүгүн шайлоо участоктору жайгашкан кээ бир мектептерде окуу болбойт

 Дүйшөмбү, 16-октябрда Кыргызстандын шайлоо участоктору уюштурулган айрым мектептеринде  окуу болбойт. Бул тууралуу Билим берүү жана илим министрлигинен кабарлашты.

 Мамлекеттик санитардык эпидемиологиялык көзөмөл департаментинин эскертүүсүнө ылайык, ооруп жаткан окуучулар көбөйгөндүктөн 16-октябрда шайлоо участоктору жайгашкан айрым мектептерден санитардык күн жарыяланды.

 Окуу процесси 17-октябрда жаңыланат.

Кыргызстанда жалпысынан 2 миң 236 мектеп бар, анын ичинде 1441 мектепте шайлоо участоктору уюштурулган. Калган мектептер кадимки режимде иштейт.