КСДПнын талапкери Сооронбай Жээнбеков теледебатка келген жок

 КСДПдан талапкер Сооронбай Жээнбеков КТРКда өткөн теледебаттардын экинчи туруна келген жок. Бул тууралуу кечээ, 12-октябрда өткөн дебаттардын жүрүшүндө белгилүү болду.

 “Талапкер Сооронбай Жээнбеков үгүт өнөктүгүнө байланыштуу теледебатка катыша албайт”,-деп кабарлады алып баруучу Алмаз Касымалиев.

“Талапкер келбегени жаман болуптур. Мен ага канча ирет чакырык таштадым. Бир аз мурда эле Кочкор-Атада жарыш сөзгө чыгууга чакыргам”,-деп айтты анын атаандашы Адахан Мадумаров.

Белгилей кетсек, кечээ болгон теледебаттардын экинчи турунда жарыш сөзгө Арсланбек Малиев, Азимбек Бекназаров, Темир Сариев  жана Адахан Мадумаров чыккан.

 Эскерте кетсек, Кыргызстанда шайлоо 15-октябрда өтөт.