"Жоргонун” таксистти ырчы Жанета Бобкованын уулун катуу сөккөн

 "Жорго" такси кызматы тууралуу кайрадан жаза башташты. Бул жолу анын айдоочусу мектепте окуган баланы сөккөн.

 Окуя кечээ, 11-октябрда болгон. Белгилүү ырчы Жанета Бобкованын уулун таксист унаанын эшигин катуу жабасын деп  урушкан. Бул маалда ырчы уулунун жанында болгон.

 Жанета Бобкова Facebookтун “Кара тизме” тобуна  “Жорго” такси кызматынын айдоочусу анын уулун кантип тилдегени тууралуу пост жарыялады. 

“Пост жазайын деп чечтим. Бүгүн жаман окуя болду. Ууулум менен иштер боюнча кетип бара жаткам, аны мектепке таштап андан ары жолумду уламамын. Бирок айдоочунун агрессивдүү мамилесинен улам жарым жолдон кайтууга туура келди. Ал уулумду кыйкырып сөктү, мен токто десем болбой сөгүндү”,-деп пикир жазды.