Кыргыз каганаты учурундагы рун жазуулары Алтайдан табылды

Тарыхчылар Борис Киндиков жана Айбек Чекурашев Алтайдын Онгудай аймагынан эң узун байыркы түрк рун жазууларын табылганын массалык маалымат каражаттары аркылуу билдиришти.  Жазуулар Кыргыз каганаты өкүм сүрүп турган 9-10-кылымдарга таандык.  Алар бетине жазуу чегилген ташты былтыр күзүндө Каракол (Алтай аймагы) өрөөнүндөгү Бичикту-Боом аймагына жакын жердеги Куттуу деп аталган тоолуу аймакка болгон изилдөө учурунда табышкан. Окумуштуулардын айтымына караганда таштын бетинде 68 рун тамгалары чегилип : "Түбөлүктүү аскага жазып жатам. Бул жердин ээсинен ден соолук жана узак өмүр сурайм" деген жазуу бар.