Караколдо газ баллон жарылып, жаш жигит күйүп калды

Каракол шаарында болгон өрттөн жергиликтүү тургун жабыркады. Бул тууралуу Өзгөчө кырдаалдар министрлигинин басма сөз кызматынан кабарлашты.

 Панфилов көчөсүндө газ баллондун редуктору күйүп кеткен. 1987-жылы туулган жигиттин сол колу жана сол жак бети күйгөн.

 Жабырлануучу Ысык-Көл областтык ооруканасына жеткирилди.