Арзыбек Кожошев, КРнын экономика министри: «Өзбекстанга көмүр, цемент, лампа товарларыбызды жиберебиз»

-Арзыбек Орозбекович,  Кыргызстан менен Өзбекстандын ортосундагы эркин соода аймагын түзүү боюнча иштер кандай жүрүп жатат?

Бүгүнкү күндө  буга чейин биздин Өзбекстан менен мамилебиз жылуу болбогондугуна байланыштуу келишим 2015-жылы кабыл алынган. Бирок  Кыргызстан тарабынан бул ратификацияланган эмес.  Ошого байланыштуу коңшулаш, Орто Азия мамлекеттеринде Өзбекстан менен мамиле кылгандыгы үчүн соода иштери боюнча биз бул мамлекетти колдодук. Өзбекстан менен экспорт импорт боюнча товардын көлөмү абдан чоң. Жалпысынан 200 млн доллардын айланасында товар айландырсак болот. Өзбекстанга  көмүр, цемент, лампа товарларыбызды жиберебиз.  Ал жактан бизге  тамак аш товарларынан тышкары жер семирткичтерди алабыз.  Себеби аларда жер семирткичтеринин баалары жана сапаты абдан бийик.