Жөө аскерлер курамы түзүлдү

Кыргызстандын Куралдуу күчтөрүнүн курамында Жөө аскерлер түзүлдү. Мындай жарлыкка президент Алмазбек Атамбаев кол койду. Маалыматка караганда, мындай чечим Куралдуу күчтөрдү реформалоо алкагында кабыл алынды. Бул аскердик бирикменин курамына өлкөдөгү жөө аскерлер бөлүктөрү кирет жана Куралдуу күчтөрдүн Башкы штабына баш ийет. Жөө аскерлердин командачысы президент тарабынан дайындалат. Жаңы түзүлгөн бирикменин кол башчысы болуп полковник Эрлис Тердикбаев дайындалганын президенттик маалымат кызматынан билдиришти.