Сабырбек Жумабеков, профессор: “Ортопедиялык оорулар көп болуп жатышат”

-Сабырбек Аристбекович, бүгүнкү күндө сиздерге эң көп кайсы оору менен кайрылып жатышат. Ортопедия оорусу жашарып кеткен жокпу?

-Бүгүнкү күндө биздин ооруканада 500 адам дарыланып жатат. Көчөдө абайлап баспай, тайгаланып жыгылып кетип жаракат алгандар келишет. Жылгаяк тепкенде баллондо тебүү абдан кооптуу.  Канчалык айтып деп түшүндүрбөйлү эч ким укпай койду. Жол кырсыгына учурагандар келишет. Анан албетте ортопедиялык оорулар көп болуп жатышат.  Биздин кесиптеги оорулар эч качан азайбайт.  Канчалык  илимий техникалык иштер өскөн сайын техника транспорттор, курулуштар көбөйгөн сайын кырсыктар өсө берет. Бул Кудайдын жасаган  иши. Муну эч ким токтото албайт. Бирок алдын алып сактансак жакшы болмок. Балон менен муз теппегиле деген сайын укканы укпаганы бар. Атайын баллон менен муз тээп жамбашын сындырып бизге келгендер көп. Бирок колдон келишинче оорулууларды айыктырганга аракет кылып жатабыз