Төрт адам тирүүлөй күйүп кеткен “Лексус” боюнча фактыга карата эки берене боюнча кылмыш иши козголду

Ысык-Көл областында  аварияга учурап жана жүргүнчүлөрү менен өрттөнүп кеткен «Лексус» унаасына байланыштуу болгон фактыга карата эки берене боюнча кылмыш иши козголду. Бул тууралуу Ысык-Көл областтык ички иштер башкармалыгынан кабарлашты.

Кылмыш иши “транспорт каражаттарын туура эмес башкаруу” жана “баңгизатын мыйзамсыз өндүрүү, сактоо, кармоо, сатуу” беренелерине ылайык козголду. 

Эскерте кетсек, кечээ 8-сентябрда Ысык-Көл районунда, Балыкчы – Ананьево – Каракол унаа жолунун 113-чакырымында «Лексус» унаасы кырсыкка кабылып, кырсыктан улам 4 адам салондо өрттөнүп кеткен.  Унаанын багажнигинен кулап түшкөн эки кап баңгизаты дагы табылган.