Талас областында коңшу айылдагы мектепке барыш үчүн балдар 9 чакырым жолду жөө басышат

Жогорку Кеңештин “Өнүгүү-прогресс” фракциясынан депутат Тазабек Икрамов өкмөт айрым аймактардагы окуучулардын маселелерине көңүл буруусу керектигин эскертти. Мындай  сунушту ал парламенттин жыйынында билдирди.

“Талас областынын Миң-Булак айылында орто мектеп жок, ошондуктан балдар коңшулаш Чалдовар айылына 8-9 чакырым жолду жөө басып барышат”,-деп эскертти депутат.

 Эл өкүлүнүн айтымында Чалдовар айылындагы мектептин абалы дагы өтө начар, ал 1929-жылы курулган.