ИИМдин Башкы штабынын жетекчиси болуп Эркин Баев дайындалды

ИИМдин Башкы штабынын жетекчиси болуп, милициянын полковниги Эркин Баев дайындалды. Бул тууралуу бүгүн, 24-августта Ички иштер министрлигинин басма сөз кызматы кабарлады.

Маалыматка караганда, Эркин Баев 1967-жылы 26-майда туулган. Эмгек жолун 1989-жылы ички иштер органдарында милиция кызматкери катары кызмат өтөө менен баштаган. Ошондой эле бир катар жетекчилик кызматтарда иштеп, ИИМдин Коомдук коопсуздук башкы башкармалыгын, ИИМдин Патрулдук милиция башкы башкармалыгын жетектеген.