Тажикстанда коррупция менен күрөшкөн мурдагы чиновниктер жабык эшик артында соттолушууда

Тажикстандын Жогорку Сотунда коррупция менен күрөшү агенттигинин мурдагы он кызматкеринин иши каралууда. Соттолуучулардын катарында бул мекемеде мурун иштеп кеткен башкы прокуратуранын жана бажы кызматынын үч өкүлү дагы бар.

Сот отурумуна жактоочулар гана киргизилди. Айыпталуучулардын туугандары жана ММК өкүлдөрү жараянга киргизилген жок.

Соттолуучулардын арасында Мамлекеттик каржы көзөмөлү жана коррупция менен күрөшүү агенттигинин директорунун мурдагы орун басары Давлатбек Хайрзода менен тергөө комитетинин башчысы Фируз Холмуродзода бар. Аталган чиновниктер алдамчылыкка, пара алууга жана башка кылмыштарга айыпталышууда.