Ысык-Көлдө «Тескей жээк» деп аталган этнофестиваль өткөрүлөт

Кыргызстанда этнотуризмди жайылтып, көчмөн элдеринин цивилизациясын таанытуу максатында Ысык-Көлдүн түштүк тарабындагы Тоң районунда «Тескей жээк» этнофестивалы өткөрүлөт. Бул тууралуу бүгүн,11-июлда Маданият, маалымат жана туризм министрлигинен билдиришти.

Маалыматка ылайык, фестиваль 15-июлда Тоңдогу Саякбай Каралаевдин үйүндө өтөт.

Иш-чаранын алкагында көчмөн элдеринин ат оюндары, тыйын эңмей, кыз-куумай, салбуурун жана көк-бөрү болот.

Мындан тышкары фестивалда ыр-бийлер жаңырып, кыргыз улуттук бийи болгон кара-жоргону бийлөө боюнча флеш-моб менен жыйынтыкталат.