“Мисс Кыргызстан-2017” сынагынын жеңүүчүсү аныкталды

 Бишкекте “Мисс Кыргызстан-2017” сулуулар сынагынын финалы өтүп, анда өлкөнүн сулуусу аныкталды. Бул тууралуу «Beauty Company Кыргызстан” агенттигинин директору Рыскуль Намазбекова “Кабар” агенттигине билдирген.

Анын айтымында, сынактын жеңүүчүсү, өлкөнүн сулуусу деп үй бүлөлүү Назик Сагынбекова табылды. Биринчи вице-мисс деп Жылдыз Мажитова, вице-мисс титулун Махинур Розиева алды.

Эскерте кетсек, “Мисс Кыргызстан-2016” титулунун ээси 41 жаштагы эки баланын энеси жана чоң эне Наргиза Осмонова өткөн жылы Кыргызстанды Индияда өткөн «Mrs Top Of The World» аттуу сулуулар сынагында тааныштырган. Андан соң Кытайдагы «Дүйнө сулуусу -2016га» катышкан.