23нөн 25-июнга чейин туруксуз аба ырайы күтүлөт

Кээ бир аймактарында 23чү күнү түштөн кийин, 24-25-июнда көпчүлүк аймактарында жаан жайт. Бийик тоолуу аймактарда кар, айрым учурларда нөшөрлөгөн жаандын жаашы күтүлөт.  Бул тууралуу Кыргызгидромет кызматы билдирди.

24-25-июнда абанын температурасы төмөндөшү күтүлүүдө. Бул туруксуз аба ырайы жайыттарда малды жайуу, транспорт, байланыш тармактарынын, энергетика жана коммуналдык кызматтардын иштерин  кыйындатат.
21-25-июнь күндөрү температуранын алкагында күтүлүп жаткан жаан-чачынга байланыштуу  дарыяларда суунун көлөмү өсүп,  жээктерге ташкындап жана айырм жерлерде дарыяларда суу ташкыны күтүлөт. Тоолуу жана тоо этегиндеги аймактарда сел жүрүшү ыктымал.

Бишкектеги аба  ырайы: 22 жана 23-июнда түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метр.

 23-июнда түштөн кийин жана 24-июнда жаан-чачын. Батыштан соккон шамалдын ылдамдыгы секундасына 4-9 метрден  15-20 метрге чейин жетет.