Алайда сел боз үйдү агызып кетти

 19-20 июнь күнү түнү менен жааган жаандын кесепетинен Ош облусунун Алай районундагы Үч-Дөбө айыл аймагынын Ак-Босого айылында Ничке жайлоосунда К.Жумаев атту жаран колоттун ичине боз үй тигип, жергиликтүү тургундардын мал жандыктарын карап жүргөн. Бул тууралуу Өзгөчө кырдаалдар министрлигинин басма сөз кызматы кабарлады.

Катуу жааган жаандын кесепетинен тигилип турган боз үйдүн сел толугу менен агызып кеткен.

Жабыркагандар жок.

Жеринде тактоо иштерин жүргүзү үчүн Ош облусу боюнча башкармалыгынын башчысы майор Дайырбек Каримов жөнөп кетти.