Чаткалда дарыяга унаа кулаган, эже-сиңдини суу агызып кеткен

Чаткал районунда  2017-жылдын 19-июнь күнү саат 01:30 чамасында “Ауди 100” үлгүсүндөгү унаа Терс дарыясына түшүп кеткен. Бул тууралуу Өзгөчө кырдаалдар министрлигинин басма сөз кызматынан кабарлашты.

Унаанын ичинде 4 адам болгон. Айдоочу менен бир жүргүнчү суудан чыгып кетишкен, автоунаанын арткы отургучунча отурган эки аял унаа менен агып кетишкен.

Аксы районунун тургуну 1976-жылы туулган  М. А. жана 1980-жылы туулган  М.Э. бир туугандар.

Издөө иштерине КР ӨКМнин Чаткал райондук бөлүмүнүн башчысы жетекчилигинде, райондук ИИМ кызматкерлеринен 3 кызматкер, туугандарынан 7 адам тартылган. Чаткал дарыясынын Кара-Булак участкасында бир 1976-жылы туулган  аялдын сөөгү жээкке чыгып калан.

Издөө иштери 2017-жылдын 20-июнь күнү КР ӨКМнин 2-өзүнчө издөө-куткаруу отрядынын куткаруучулары тартылып, башталат.