Москва районунда Садовое айылында 2 жаштагы кызды автоунаа тебеледи

Болуп өткөн кырсык тууралуу Чүй областынын ЖККУБнын маалымат кызматынан тастыкташты.

Ведомствонун маалыматы боюнча, кырсык 20-майда болгон. Айылдын 1971-жылы туулган тургуну С.Ш. «Форд Транзит» маркасындагы автоунааны башкарып бара жатып, артка айдоого аракет кылып, баланы тебелеп алган. 2016-жылы туулган жабырлануучу кыз оор абалда райондук оорукананын жандандыруу бөлүмүнө жеткирилген. Көрсөтүлгөн медициналык жардамга карабастан бала каза тапкан.

Бул иш боюнча иликтөө жүргүзүлүп жатат.