Модель жок майын алдырам деп комага түштү

Бразилиялык модель Лизиан Гутьеррес көптөн бери липосакция жасатууну ойлоп жүргөн. Бирок өзү барган дарыгерлердин баары анын денесинде алып ташташ керек болгон май жок экенин айтып, операция жасагандан баш тартышкан. Бул тууралуу "life.ru" сайты маалымдайт.

Жана бийкечтин бул оюн туугандары менен достору да жактырган эмес. Бирок модель алган бетинен кайтпай, Түркияга барып, ал жактан бир дарыгер менен сүйлөшүп операция жасатууга макылдашкан. Дарыгер ага анестезия салганда ал эсинен танып калган. Азыр кыз комада жатат.