Аксыда болгон катуу шамал 35 үйдүн чатырын учуруп кетти

Жалал-Абад областынын Аксы районунда жекшемби жана ишемби күндөрү катуу шамал жана сел жүрдү. Бул тууралуу ӨКМнын басма сөз кызматы кабарлады.

Кызыл-Туу, Кара-Суу жана Авлетим айыл округдарында секундасына 21-26 метрге жеткен катуу шамал катталды. Ошол эле убакта нөшөрлөгөн жамгыр жааган.

Жалпысынан алганда шамал 35 үйдүн 617 чарчы метрлик чатырын учуруп кетти, мындан тышкары 2 социалдык объектинин 20 шиферин учурган.