"Кызыл өрүктүн" автору “Өмүрбек Бабанов биздин президент!" деген клип чыгарды

"Кызыл өрүк"  деп аталган ырдын автору Мирлан Алымкулов “Өмүрбек Бабанов биздин президент!"  деген клип чыгарды. Видео социалдык түйүндөргө жарыяланды. 

Негизинен клипте Бабанов тууралуу видео материалдар топтолгон жана анын эл менен жолугушуулары, Улуу Ата мекендик согуштун ардагерлерин куттуктаганы көрсөтүлгөн. 

Ырдын текстинде “ал өзүнүн сөзүнө турат, ошондуктан ага ишеним артышат. Өмүрбек Бабанов-биздин президент!”,-деген саптар кездешет.

 Бирок социалдык түйүндөрдүн колдонуучулары бул ырды ар түрдүү кабыл алып жатышат.