Жээнбеков менен Назарбаев телефон аркылуу сүйлөштү

Кыргызстандын президенти Сооронбай Жээнбеков Казакстандын президенти Нурсултан Назарбаев менен телефон аркылуу сүйлөштү. Бул тууралуу 5-майда Казакстандын мамлекет башчысынын басма сөз кызматы кабарлады.

Жээнбеков менен Назарбаев азыркы абалды жана кызматташтыктын келечегин талкуулашты. Ошондой эле буга чейин Евразиялык экономикалык бирикменин алкагында жетишилген келишимдердин ишке ашуусунун жүрүшү макулдашылды.