Маршруткалардын айдоочуларына азырынча айып пул салынбайт

Маршруткалардын айдоочуларына азырынча айып пул салынбайт. Бул тууралуу Жол кыймылынын коопсуздугун камсыздоо боюнча башкы башкармалыктын басма сөз катчысы Тилек Оторов билдирди.

Бул аптада коомдук транспорттун, жүк ташуучу унаалардын жана такси кызматтарынын айдоочуларын милиция текшерет. Камсыздандыруу полиси болбогондорго түшүндүрүү иштери жүргүзүлөт.

Милдеттүү түрдө касыздандыруу боюнча мыйзам 1-апрелде күчүнө кирген. Камсыздоо полиси жок болгон учурда 500 сом айып пул салынат.