Сезондуу тыныгуудан соң “Солтон – Сары” кенинде жумуш башталды
Поделиться в:
Сезондуу тыныгуудан соң «Солтон-Сары» кенинин алтын чайкоочу фабрикасында толук түрдө иш башталды.
Алтын чайкоочу фабрикада жана «Солтон - Сары» кенинин айрым участокторунда пландуу тыныгуу маалында оңдоо иштери жүргүзүлдү жана 4500 тоннадай кен өндүрүмдөрү казылып алынды.
«Солтон - Сары» кениндеги өндүрүштү кеңейтүүнүн алкагында ушул жылдын июнь айында алтын чайкоочу фабриканын экинчи линиясы ишке кирди жана бул кошумча 6 кг алтын өндүрүүгө мүмкүндүк бермекчи.
Мындан тышкары 2016-жылы январь айында ишин баштаган перспективалуу Алтын-Тор участогунда геологиялык чалгындоо иштери улантылууда. Аталган участоктун жалпы запасы болжол менен 539,79 миң тоннага жакын.
Ишканада азыркы учурда 156 адам эмгектенип жатат.
Маалымат үчүн: «Солтон – Сары» кени "Кыргызалтын" ачык акционердик коомунун өндүрүш филиалдарынын бири болуп саналат. Ал Бишкектен 355 чакырым алыстыкта Нарын областындагы Капка – Таш тоо кыркасында деңиз деңгээлинен 3500-3600 метр бийиктикте жайгашкан.
Ссылка: https://barometr.kg/content1274
Добавить комментарий ×