Алыскы райондор эми бейтап үчүн учак чакырта алышат

Кыргызстандын жана Казакстандын жашоочулары үчүн алыскы райондордон бейтап же жабырлануучуну Бишкек шаарынын тиешелүү стационарларына учак менен ыкчам жеткирүү мүмкүндүгү пайда болду. Бул тууралуу «Liberty-Med» медициналык кызматынын станциясынан билдиришти. Ошондой эле, «Liberty-Med» кызматынан алардын бардык зарыл жабдуулар менен камсыздалган 3 тез жардам каретасы бар экендигин айтып беришти. “Жасалма дем алдыруучу, кычкылтек, реанимациялык жабдуулар, 5 кабат чемодандагы дары-дармектердин толук пакети бар. Буга кошумча тажрыйбалуу адистер. Жалпысынан, бизде 20дай кызматкер иштейт”, - деп кошумчалашты «Liberty-Med» кызматынан.