Бишкектен качып кеткен дипломат Россияда соттолот

Бишкек шаарында Орусия элчилигинин кызматкеринин унаасынын катышуусунда болгон жол кырсыгы боюнча иш Россия Федерациясынын соттук инстанциясына өткөрүлүп берилет.Азыркы учурда РФнын компетенттүү органдары тарабынан жол кырсыгы дыкат иликтенип жатат. Анын алкагында жол кырсыгында каза болгон Кыргызстандын жараны Лексиндин үй-бүлөсүнө тиешелүү компенсация төлөө тууралуу маселе чечилээрин Орусия элчилигинин басма сөз кызматы билдирди.