Белгисиз адам жарым миллион долларды кыргыз-өзбек чек арасына ыргытып кеткен

Өзбекстандын Улуттук коопсуздук кызматынын чек ара аскерлери Кыргызстандын аймагына 573 миң долларды мыйзамсыз жашырууга аракет кылган фактыны аныкташты. Бул тууралуу «Интерфакс» маалымдады.

Аталган маалыматка таянсак, саат 5.00дө чек арачылар сумка көтөргөн адамды байкап калышкан, ал чек араны кесип өтүүгө аракет кылган. Токтотуу талабы айтылган кезде белгисиз адам сумкасын ыргытып жиберип качып кеткен.

Сумкада скоч менен оролгон доллар болгон.

Чек арадан мыйзамсыз өтүүгө аракет кылган жарандын өздүгү такталып жатат.