Кыргыз-кытай чек арасы үч күнгө жабылат

Кытай тараптын демилгеси менен, Жаңы жыл майрамына байланыштуу, кыргыз-кытай мамлекеттик чек арасындагы «Торугарт-Автожолу» жана «Иркештам-Автожолу» өткөрүү бекеттери 2017-жылдын 30-декабрынан 2018-жылдын 1-январына дейре (1-январды кошо эсептегенде) убактылуу жабылат. Бул тууралуу Мамлекеттик чек ара кызматынын коомчулук жана ЖМК менен байланышуу бөлүмүнөн билдиришти.

Адамдарды, транспорт каражаттарын жана жүк ташыган унааларды өткөрүү иши 2018-жылдын 2-январынан башталат.