Жогорку Кеңеш 560 миң сомго тендер жарыялады, ага темир дарбаза орнотулат

Мамлекеттик сатып алуулар порталында Жогорку Кеңеш темирден жасалган эки дарбазаны 560 миң сомго сатып алуу боюнча тендер жарыялады. Жогорку Кеңештин Иш башкармалыгынын материалдык-техникалык камсыздоо бөлүмүнүн башчысы Бабур Исаевдин айтымында, дарбазалар жер төлөгө орнотулат. Тендер жарыяланганга чейин анын өлчөмүн, баасын чыгарып андан кийин гана порталга маалымат жарыяланат. Бул каражаттын ичине эски дарбазаны алуу, жаңысын алып келип коюунун бардык чыгымдары кирген.