Чыгаан кинорежиссёр Геннадий Базаров каза болду

Кыргыздын чыгаан кинорежиссёру Геннадий Базаров каза болду. Бул тууралуу “Барометрге” режиссёрдун жакындары кабарлады.

Маалым болгондой, Геннадий Базаров узака созулган оорудан улам 6-февралга караган түнү 81 жаш курагында бул дүйнө менен кош айтышты.

Геннадий Базаров 1942-жылы Нарын облусуна караштуу Ат-Башы айылында туулган.

1966-жылы Москвадагы Бүткүл союздук мамлекеттик кинематография институтун бүткөн. Эмгек жолун 1959-жылы "Кыргызфильм" киностудиясында баштаган. Адегенде жумушчу, оператордун ассистенти, кийинчерээк режиссердун ассистенти болгон. Окуп жүргөндө кыска метраждуу "Намаз окуу" жана "Тыныгуу" аттуу киноновелла тарткан. 1967-жылы "Саманчы жолу" фильмин дипломдук иши катары тасмага түшүрөт. 

Кинорежиссёр, сценарист 1991-жылы Кыргыз эл артисти, 1974-жылы  искусствого эмгек сиңирген ишмер наамдарын алган. 

“Барометрдин” жалпы жамааты чыгаан режиссёр Геннадий Базаровдун жакындарына жана үй-бүлөсүнө терең кайгыруу менен көңүл айтып, аза кайгысын тең бөлүшөт.