Чычкан капчыгайында жүк ташуучу унаа оодарылып, айдоочусу көз жумду

Кечээ, 2-июнда Чычкан капчыгайында оор жүк ташуучу унаа оодарылып кетип, айдоочу каза болду. Бул тууралуу ӨКМнын басма сөз кызматына шилтеме берип “Барометр” билдирет.

Маалыматка ылайык, Бишкек-Ош унаа жолунун 236-чакырымында  RENO үлгүсүндөгү оор жүк ташуучу унаа оодарылып, Чычкан капчыгайына түшүп кеткен. Кырсыктын кесепетинен унаанын айдоочусу (аты-жөнү такталууда) көз жумду. Куткаруучулар каза болгон жарандын жансыз денесин унаадан чыгарып ИИМге өткөрүп беришкен.

Жерине Токтогул райондук №97 ӨКБдан 5 куткаруучу тартылган.