Чолпон-Атада өткөн жарышта Бабановдун жоргосу биринчи келди (Видео)

Чолпон-Атадагы бышты жорго салышта Өмүрбек Бабановдун жоргосу биринчи келди. Бул тууралуу ал өздүк баракчасына жазып чыкты.

КРнын мурдагы Премьер-министри Өмүрбек Бабановдун Роки аттуу жоргосу Чолпон-Ата шаарында өткөн жарышта биринчи келди.

 «Менин жоргом Чолпон-Атада өткөн бышты жорго салышта биринчиликти алды! Ура! Роки менин атканамда туулуп-өсүп, тапталган. Андыктан сүйүнүчүм абдан чоң» - деп жазган Бабанов.

Белгилей кетек, экс премьер-министр аттарга болгон кызыгуусу тууралуу мурда эле ачыктаган.

Бул Бабановдун жоргосу алып келген биринчи жеңиш эмес. Буга чейин да анын жөө күлүктөрү биринчиликти багындырып келишкен.