Чоң-Алайда кар көчкүгө байланыштуу 70тей жүргүнчүсү бар ондон ашык унаа жолдо калды

Чоң-Алайда кар көчкүгө байланыштуу 70тей жүргүнчүсү бар ондон ашык унаа жолдо калды. Бул тууралуу ӨКМ билдирди. 

Маалым болгондой, 5-февраль күнү саат 23:40 чамасында катуу шамалдын кесепетинен Сары-Таш-Дароот-Коргон-Карамык унаа жолунун 115-чакырымында кар күрткүсү пайда болгон. Анын кесепетинен 16 унаа 70 жүргүнчүсү менен жолдо калышкан. 

Окуя болгон жерге ӨКМнын кызматкерлери барып,  саат 00:26да Сары-Таш-Дароот-Коргон-Карамык унаа жолунун 115-чакырымындагы кар күрткүсүн толугу менен тазалап, унаа жолун ачышкан. Ал эми, 70 жүргүнчү (55 эркек адам жана 15 аял киши) аталган унаа жолдун 108-чакырымында (Жар-Башы тилкеси) жайгашкан 2 мечиттин ичине убактылуу жайгаштырылган.