Чүйдө эки велосипедченди унаа сүзүп кетти, бирөө каза болду (Видео)

Бишкекте автоунаа эки велосипедченди сүзүп, алардын бири каза болду. Бул тууралуу Чүй облустук Жол кыймылы коопсуздугун камсыздоо башкы башкармалыгынын маалымат кызматына таянып «Барометр» билдирет.

Кырсык бүгүн саат 10:40тарда "Манас" аэропортуна кеткен жолдо катталды.

"Велосипедчендин бири окуя болгон жерде каза болду, экинчиси оор жаракаты менен ооруканага жеткирилди. Audi C4 унаасынын айдоочусу кармалды. Алдын ала маалымат боюнча, ал Бишкек тарапты көздөй келе жатып, велосипедчендерди сүзүп кеткен. Кырсыктын себеби азырынча айтыла элек", — деп айтылат маалыматта.

Учурда кырсыктын чоо-жайы аныкталууда.

Жол кырсыгы катталган видеону "Короче" телеграм-каналы жарыялады.