Чүй областында болгон өрттө койлор тирүүлөй күйүп калды

Чүй областынын Москва районунда өрт кырсыгы катталды. Бул тууралуу бүгүн Өзгөчө кырдаалдар министрлигинин басма сөз кызматынан кабарлашканын “Барометр” маалымдайт.

Аталган кабарга таянсак, 24-сентябрда Александровка айылынын А.Исмаилов көчөсүндөгү үйлөрдүн биринен чыккан өрттө 200 кв метр сарай, 150 кв метр короо, 400 түк чөп, 1,5 тонна жүгөрү жана болжол менен 2 тоннадай арпа күйгөн.

Мындан тышкы 15 кой тирүүлөй күйүп кетти.

Өрттү өчүрүүгө эки өрт өчүргүч унаа пайдаланылды. Ал саат 18:34тө толук өчүрүлдү.

Тилсиз жоонун себеби аныкталууда.