БШК партиялардын соц тармакка жарнамаларга кетирген каражатын аныктоо үчүн Фейсбук менен кызматташат

Кече, 7-сентябрда Кыргыз Республикасынын Шайлоо жана референдум өткөрүү боюнча борбордук комиссиясы Фейсбуктун өкүлдөрү менен онлайн режиминде жолугушуу өткөрдү. Бул тууралуу БШКнын маалымат кызматына шилтеме берип “Барометр” билдирет.

Маалыматка ылайык, жолугушуунун максаты саясий жарнамаларды жайгаштыруу, маркировкалоо жана аны Facebookка жайгаштыргандыгы үчүн төлөө булагын аныктоо маселелерин талкуулоо болду. БШКнын Facebook өкүлдөрү менен жолугушуусун ПРООНдун Кыргыз Республикасындагы кеңсеси уюштурган.

Жолугушууга БШКнын төрагасы Нуржан Шайлдабекова, БШКнын Маалымат жана үгүт боюнча жумушчу тобунун мүчөсү Гүлнара Джурабаева, маалымат бөлүмүнүн башчысы Руслан Изреков катышты. Фейсбук тараптан, жолугушууга Коомдук саясат боюнча менеджер Кавита Канхи жана Фейсбуктагы шайлоонун кынтыксыздыгын камсыздоо бөлүмүнүн башчысы Наташа Джог катышты.

Жолугушууга ПРООНдун шайлоо боюнча улук кеңешчиси Юлия Шипилова дагы катышты.

Жолугушуунун жүрүшүндө Фейсбуктун өкүлдөрү колдонуучунун ким экендигин тастыктаган документтик тастыктоо менен идентификациялоо боюнча жүргүзгөн саясаты жөнүндө, анда кайсы адам кайсы бир эсепке катталгандыгы ишенимдүү түрдө маалым болду.

Саясий жарнамалар Фейсбуктун жарнамалар китепканасына кошулат. Учурда Кыргызстандагы китепканада 879 жарнама бар, ага жалпы суммасы 3 737 АКШ доллары сарпталган. Ошондой эле китепканада жарнама үчүн акча төлөгөн жеке адамдар жана тараптар жөнүндө маалыматтар камтылган.

"Биз Фейсбуктун өкүлдөрү менен кызматташуубуздун башталышын абдан баалайбыз. Фейсбуктун саясий жарнамалар келип чыккан эсептерди текшерүү аракеттери шайлоонун таза өтүшүнө кошкон маанилүү салымы. Өз кезегинде, алар текшерүү жол-жобосунан өтө алышат, бул аларга жасалма эсептер менен күрөшүүдө жардам берет ", - деди БШКнын төрагасы Нуржан Шайлдабекова.

"Шайлоо өнөктүгүн өткөрүүдө социалдык тармактар маанилүү ролду ойноп келе жатат. Бул маселени жөнгө салуучу эл аралык стандарттардын жоктугунан улам, Facebook социалдык тармагы акы төлөнүүчү саясий жарнакты каржылоонун ачык-айкындуулугун камсыз кылуу жана шайлоочуга мындай жарнакты каржылоонун булактары жөнүндө толук маалымат берүү максатында кабыл алынган өз саясатын жүзөгө ашырууда. Шайлоочуга маалыматты тандоо жүргүзүүгө жардам берет ", - деди Юни Шипилова, ПРООНдун Шайлоо боюнча улук кеңешчиси.

БШКнын төрагасы Америка Кошмо Штаттарындагы президенттик шайлоодо колдонула турган саясаттан кийинки тынч күндөрдө Фейсбуктагы жарнамаларды бөгөт коюу мүмкүнчүлүгү жөнүндө суроого, Фейсбук өкүлдөрү бул азырынча АКШга гана тиешелүү болгон жаңы саясат экендигин билдиришти, бирок алар өтүнүчтү карап көрүүгө даяр. Тараптар бул маселени чечүүдө мындан аркы байланышты улантууга макулдашышты, ошондой эле жемиштүү кызматташтыктын башталышы үчүн бири-бирине ыраазычылык билдиришти.