Кувакыда болгон кырсыкта беш адам каза болду, он киши жаракат алды

Кувакы ашуусунда "Mercedes-Benz Sprinter" унаасы менен  "МАН" жүк ташуучу унаасы кагылышты. Бул тууралуу Өзгөчө кырдаалдар министрлигинин басма сөз кызматы кабарлаганын “Барометр” маалымдайт.

Кырсык Бишкек - Нарын -Торугарт жолунун 172-чакырымында болгон. Кичи автобуста 15тей жүргүнчү бара жаткан, алардын арасынан 5 адам - 2 эркек жана 3 аял каза тапты. 10 адам ар кандай жаракаттарды алышты. Каза тапкандар менен жаракат алгандардын аты-жөнү такталып жатат.

Кырсык болгон жерде 4 куткаруучу иштеди.