Бишкектик аял жаш кызды унаа менен сүзүп, өзү качып кетти

Унаа менен жөө жүргүнчүнү койдуруп кеткенге шектүү аял кармалды. Бул тууралуу Патрулдук милициянын басма сөз кызматынан кабарлашканын “Барометр” билдирет.

Окуя 7-ноябрда эртең мененки саат 8 жарымдар чамасында Ахунбаев көчөсүндө болгон.

2002-жылы туулган бишкектик Ы.Г. аттуу кызды унаа сүзүп кеткен, ал эми айдоочу окуя болгон жерден из жашырган.

Патрулдук милициянын кызматкерлери тарабынан 1980-жылы туулган «Мазда Демио» унаасынын айдоочусу Ш.Ж. кармалды.

Шектүү милицияга жеткирилди.