Бишкекте өзгөчө абал киргинден бери 45 жол кырсыгы катталды

Бишкек шаарына өзгөчө абал жарыяланып, карантин режими киргизилгенден бери 45 жол кырсыгы катталганын борбор калаанын коменданты Алмаз Орозалиев маалымат жыйында билдирди.

“Бишкекте ӨА киргизилгенден бери 25-марттан 22-апрелге чейин 45 жол кырсыгы катталып, 60 адам жаракат алган”, - деди ал.

Анын айтымында, бул мезгилде 1299 кылмыш иши катталып,алардын ичинен 1180 иштин бети ачылды.

Эске салсак, Бишкек шаарына 25-марттан тарта өзгөчө абал киргизилип, ал 30-апрелге чейин созулат.