Бишкекте Улуу Британия жараны 12-кабаттан кулап каза болду

Бишкектин Логвиненко көчөсүндөгү турак үйдүн 12-кабатынан бир жаран кулап каза болду. Окуя кечээ, 14-ноябрда кечки саат 22:00дөрдө катталганын Бишкек шаардык милициясы кабарлады.

Окуя болгон жерге барган милиция кызматкерлери кырсыкка кабылган эркек киши алган жаратынан жан бергенин билдиришкен.  

Учурда соттук-медициналык экспертиза жүргүзүлүп жатканы айтылат. 

Мындан сырткары каза болгон адамдын кош жарандыгы, Улуу Британия жана Кыргызстандын паспорту бар экени маалым болду.