Бишкекте Пакистандык студентти тепловоз сүзүп кетип, каза болду

Бишкек шаарынын Л.Толстой көчөсүндөгү темир жолдон Пакистандын жаранын тепловоз сүзүп кетип, каза болду. Бул тууралуу Тышкы иштер министрлигине келип түшкөн  маалыматка шилтеме берип "Барометр" билдирет.

Кырсык 11-декабрда болгон.

Соттук-медициналык иликтөө иштеринин, тергөөгө чейинки текшерүүнүн жүрүшүндө, каза болгон - Рамзан Мухаммед Кыргыз Эл аралык университетинин караштуу Эл аралык медицина мектебинин 2-курсунун студенти болгону аныкталган.

Бул факт Бишкек шаарынын Биринчи май райондук Ички иштер бөлүмүндө катталып, азыркы учурда тийиштүү тергөө иш-чаралары  жүргүзүлүүдө.