Бишкекте коронавирустан 8-киши каза болду

Бүгүн COVID-19 вирусу бар аял каза тапты, ал 53 жашта болчу. Бул тууралуу республикалык штабдан кабарлашты.

Ага ылайык, бейтап Республикалык клиникалык инфекциялык ооруканасына 5-апрелде оор абалда келип түшкөн жана кайра жандандыруу бөлүмүнө жаткарылган. Б

“Буга чейин ал 1-апрелден 5-апрелге чейин Кемин районундагы ооруканада дарыланып жаткан. Маркумда дагы кант диабети, жогорку тобокелчиликтеги гипертоникалык илдет, жүрөк дарты бар болчу”, — деп айтылат маалыматта.

Ошентип Кыргызстанда коронавирустан каза болгондордун саны 8 кишиге жетти. Ал эми оору 612 кишиге жукканы расмий тастыкталган.