Бишкекте көмүрдүн баасы көзөмөлгө алынды

Биринчи май акимиаты райондук МАБдар менен биргеликте көмүр сатып жаткан соода түйүндөрүнүн ишин текшерүүдө.
Адаттагыдай эле, биз күз-кыш мезгилинде көмүрдү саткандарга   көмүр баасынын жогорулашына жол бербөө жана көмүр сатуу пункттарынын айланасында тазалыкты сактоо боюнча түшүндүрүү иштерин жүргүздүк.

 Көмүрдүн жетиштүү запасы бар экендиги аныкталды. Бир кап көмүрдүн (Кара-Кече) баасы 170 сомдон 180 сомго чейин, ал эми бир тонна көмүрдүн баасы 3 700-3 800 сомду түзөт.
Белгилей кетсек, калаанын Биринчи май районунун 800дөн ашык тургуну Социалдык өнүктүрүү  башкармалыгы тарабынан  почта бөлүмдөрү аркылуу 5 700 сомдон  көмүр сатып алууга акчалай компенсация алышты.
Урматтуу шаар тургундары! Бишкек шаарынын мэриясы ар дайым байланышта! Бардык көйгөйлөрдү мэриянын колл-борбору 18-40 жана 18-50 номерлери аркылуу кабыл алат, көйгөйлөрдүн сүрөт жана видеолорун WhatsApp  колдонмосу аркылуу 0554 182-185 номерине жибериңиздер