Бишкекте кайрадан стационарлар ачылып жатат. Алардын даректери жана тизмелери

Бишкек шаарында COVID-19 илдети күч алып кете турган болсо, аймактагы бардык бириктирилген үй-бүлөлүк дарыгерлер борборлорун күндүзгү стационарга айландыруу пландалып жатат. Бул тууралуу Бишкек мэриясынын маалымат кызматына шилтеме берип “Барометр” билдирет.

Бишкектин Ленин районунун аймагында коронавируска кабылгандарды дарылоо үчүн үй-бүлөлүк дарыгерлер борборлорунда керебеттер даярдалды.

Ленин районундагы убактылуу чакан стационарлар:

• №1 үй-бүлөлүк дарыгерлер борборунда 5 керебет;
• №2 үй-бүлөлүк дарыгерлер борборунда 5 керебет;
• №11 үй-бүлөлүк дарыгерлер борборунда 2 керебет;
• №12 үй-бүлөлүк дарыгерлер борборунда 4 керебет;
• №13 үй-бүлөлүк дарыгерлер борборунда 4 керебет;
• №17 үй-бүлөлүк дарыгерлер борборунда 2 керебет.
• Мындан тышкары, №8, 10, 11 стационарлардын базасында дагы 7 орун даяр турат.
• Дагы 28 керебет жаңы конуштардагы бириктирилген үй-бүлөлүк дарыгерлер борборлоруна даярдалууда. Алар:
• Ак-Өргө жаңы конушу (Ашар көчөсү) – 14 керебет;
• Ак-Өргө жаңы конушу (Ай көчөсү) – 7 керебет;
• Ак-Ордо жаңы конушу — 7 керебет.

Эске салсак, Ленин районунда жети күндүзгү стационар бар.

Мэриядан кабарлагандай, COVID-19 кайрадан күч алып кете турган болсо, аймактагы бардык бириктирилген үй-бүлөлүк дарыгерлер борборлорун күндүзгү стационарга айландыруу пландалып жатканы маалым болду.