Бишкекте футбол боюнча мелдеш өтүп, жолдор жабык болот

Бишкекте бүгүн, 8-июнда Азия Кубогуна тандоо оюндарына карата футбол өтүп, көчөлөрдө жол кыймылы токтотулат. Бул тууралуу милициянын кайгуул кызматынын маалыматына таянып "Барометр" билдирет.

Маалым болгондой, бүгүн 8-июнда футбол боюнча Азия Кубогуна тандоо оюнунда Кыргызстан менен Сингапур беттешет. Мелдеш Дөлөн Өмүрзаков атындагы стадиондо болот.

Ал эми, көчөлөрдөгү жол кыймылы саат 16:00дон баштап 23:00го чейин жабык болот:

• Тоголок Молдо көчөсүнүн Чүй проспектисинен Фрунзе көчөсүнө чейинки бөлүгү,

• Фрунзе көчөсүнүн Исанов көчөсүнөн Панфилов көчөсүнө чейинки бөлүгү.