Бишкекте эки күндө 27 мас айдоочу колго түштү

Бишкек шаардык кайгуул милициясы 14-15-февралдагы рейддин жыйынтыгын чыгарды. Ага ылайык, жалпысынан эки күндө айдоочулар тарабынан 1342 жол эрежеси бузулган.

Ошондой эле ичип алып айдаган 27 айдоочу кармалган. 15 айдоочу автоунаасынын маңдайкы терезесин караңгылатып алганы үчүн кармалган.

Айдоочулук күбөлүгү жок унаа айдап жүргөн 34 айдоочу аныкталган.

Башка ар кандай жол эрежелерин бузгандардын саны 1257ти түзгөн.