Бишкекте BUTCHER тез тамактануучу жайынан өрт чыгып, толугу менен күйүп кеткен

Бишкекте BUTCHER тез тамактануучу жайы толугу менен күйүп кетти. Бул тууралуу ӨКМнин маалымат кызматына шилтеме берип "Барометр" билдирет. 

Маалыматка ылайык, Бишкек шаарында 9-март күнү саат 04:16 чамасында Биринчи Май районунун Фрунзе көчөсүндө BUTCHER тез тамактануучу жайында өрт чыккан.

"Өрттөн жыгач устундуу шифер жабылган BUTCHER кафесинин 150 чарчы метр чатыры, ички жасалгасы, буюмдар жана 5 муздаткыч күйгөн", - деп айтылат маалыматта.

Учурда өрттүн себеби такталууда.