Бишкекте айыл чарба жарманкеси өткөрүлөт

Бишкекте эртең, 29-августта саат 10.00дө айыл чарба жарманкеси өткөрүлөт. Бул тууралуу мэриянын басма сөз кызматы кабарлаганын “Барометр” билдирет.

Жарманке Раззаков көчөсүнүн Киев көчөсүнөн Токтогул көчөсүнө чейинки бөлүгүндө өткөрүлөт. Шаардыктар эт, сүт, ун, жашылча-жемиш, жумуртка жана башка азыктарды сатып ала алышат.

“Жаңы продукцияларды ата мекендик 127 ишкана жана өндүрүшчүлөр сунуштайт”,-деп айтылат мэрия тараткан маалыматта.